Álemde maımyl sheshegin juqtyrýshylar sany 20%-ǵa artty – DSU

BRıÝSSELЬ. QazAqparat – Sársenbi kúni Dúnıejúzilik densaýlyq saqtaý uıymynyń bas dırektory Tedros Adhan Gebreııýs álemdegi maımyl sheshegi aýrýyna qatysty baspasóz máslıhatyn ótkizdi, dep habarlaıdy QazAqparat menshikti tilshisi.

DSU basshysy qazirgi ýaqytta uıymǵa 92 el men aýmaqtan maımyl sheshegin juqtyrýdyń 35 myńnan astam jaǵdaıy týraly habarlama túskenin, bul rette 12 adam kóz jumǵanyn atap ótti.

Ótken aptada 7 myń 500-ge jýyq jaǵdaı tirkeldi, bul aldyńǵy aptaǵa qaraǵanda 20%-ǵa kóp.

«Vaktsınalar órshigen aýrýmen kúreste mańyzdy ról atqara alady jáne kóptegen elderde zardap shekken qaýymdastyqtar arasynda vaktsınalarǵa suranys joǵary», - dedi DDU basshysy.

Alaıda, qazirgi ýaqytta vaktsınalardyń qory men olardyń tıimdiligi týraly málimetter shekteýli. DDU vaktsına óndirýshilermen, sondaı-aq ekpelerin bólisýge daıyn eldermen jáne uıymdarmen tyǵyz baılanysta.

Ótken aptada habarlaǵanymyzdaı, DDU shaqyrǵan sarapshylar keńesi maımyl sheshegi vırýsynyń eki tobynyń atyn rım tsıfrlarymen ózgertý týraly sheshim qabyldady.

Buryn Kongo ózeni basseıniniń aýrýy dep atalatyn indettiń nusqasy endi «birinshi top nemese I» dep atalady. Batys Afrıkanyń ártúrliligi «ekinshi top nemese II» dep atalady.

«Aýrý men vırýstyń atyn ózgertý jumystary jalǵasýda», - dep atap ótti DDU basshysy.

Foto: ultimasnoticias.com.ve