Álemde koronavırýsty juqtyrý kórsetkishi 11% tómendedi

NUR-SULTAN. QazAqparat - 23-29 mamyr aralyǵynda álemde koronavırýs juqtyrýdyń 3,3 mıllıonnan astam jaǵdaıy tirkeldi, bul ótken aptamen salystyrǵanda 11% az , dep habarlaıdy QazAqparat Dúnıejúzilik densaýlyq saqtaý uıymnyń saıtyna silteme jasap.

Apta ishinde qaýipti vırýstan 9600-dan astam adam kóz jumǵan, bul kórsetkish 3%-ǵa azaıǵan.

Eseptik kezeń ishinde jańa ınfektsııa juqtyrýdyń eń kóp sany AQSh-ta (736 298 jańa oqıǵa, +3%), Qytaıda (576 367, +6%), Aýstralııada (294 128, -18%), Japonııada (203 365, - 18%) jáne Germanııada (183 844, -38%) anyqtalǵan. Bir aptada jańa ólim-jitim oqıǵalarynyń eń kóp sany AQSh-ta (2 46 ólim jaǵdaıy, +25%), Brazılııada (826, +16%), Italııada (624, -15%), Reseıde (605, -11%) jáne Qytaıda (578, +82%) tirkeldi.

2022 jylǵy 29 mamyrdaǵy jaǵdaı boıynsha álemde koronavırýstyń 526 mıllıonnan astam rastalǵan jaǵdaıy men 6 mıllıonnan astam ólim oqıǵasy tirkeldi.