Álemde koronavırýstan qaıtys bolǵandar sany 4%-ǵa ósti

NUR-SULTAN. QazAqparat - Dúnıejúzilik densaýlyq saqtaý uıymynyń málimetinshe, bes apta boıy koronavırýstan qaıtys bolǵandar azaıǵannan keıin, álemde tirkelgen ólim sany ótken aptada 4%-ǵa ósti, dep habarlaıdy QazAqparat tilshisi ABC News arnasyna silteme jasap.

Ótken aptada shamamen 3,2 mıllıon vırýs juqtyrýdyń jańa jaǵdaıy tirkeldi, bul qańtar aıyndaǵy eń joǵary deńgeıge qaraǵanda ınfektsııalar sanynyń tómendeýine ákeldi. Alaıda, keıbir aımaqtarda ınfektsııanyń aıtarlyqtaı ósýi baıqaldy, Taıaý Shyǵys pen Ońtústik-Shyǵys Azııada sáıkesinshe 58% jáne 33% ósý baıqaldy.