Álemde koronavırýs juqtyrǵandar sany 200 mıllıonnan asty

NUR-SULTAN. QazAqparat - Qazaqstanda koronavırýstyń taralýyna jol bermeý jónindegi vedomstvoaralyq komıssııa álemdegi epıdemıologııalyq jaǵdaıǵa sholý jasady, dep habarlaıdy QazAqparat.

Álem 200 mıllıondyq mejege jetti. Bir apta buryn Djons Hopkıns ýnıversıteti KVI ınfektsııasy týraly jasaǵan boljamǵa álem birneshe kúnde-aq jetti.

Statıstıkaǵa sáıkes anyqtalǵan COVID-19 epızodtarynyń jalpy sany 200 014 602-di qurady, epıdemııadan kóz jumǵandar sany - 4 252 873 adam.

AQSh-ta vırýs juqtyrý boıynsha 35 292 721 jaǵdaı anyqtaldy jáne 614 666 adam qaıtys boldy, bul álemdegi eń joǵary kórsetkish.

Odan keıin 31 769 132 derekpen Úndistan ekinshi orynda tur. Alǵashqy úshtiktegi taǵy bir el Brazılııa - 19 985 817 jaǵdaı.

4 mln jáne odan da joǵary kórsetkish Reseı, Frantsııa, Ulybrıtanııa, Túrkııa, Argentına, Kolýmbııa, Ispanııa, Italııa jáne Iranda tirkeldi.

Vaktsına almaǵan adamdar kóz jumýdyń joǵary qaýpi bar táýekel tobynda.

Latvııada maýsym aıynda qaıtys bolǵandardyń 99,2%-i COVID-19 saldaryn kóz jumǵan, onyń 117-si - vaktsına saldyrmaǵandar.

Basqasy ekpe kýrsyn tolyǵymen aıaqtamaǵan. COVID-19 boıynsha aýyr asqynýmen aýrýhanaǵa túskenderdiń basym kópshiligi - sozylmaly aýrýy bar egde jastaǵy naýqastar.

Latvııanyń aýrýlardyń aldyn alý jáne baqylaý ortalyǵy COVID-19 vaktsınatsııasynan ótken adamdar arasynda vırýsqa shaldyǵý derekteri az tirkeletinin, al juqtyrǵan jaǵdaıda aýrý jeńil túrde júretindigin jáne sırek jaǵdaılarda statsıonarlyq em talap etiletinin málimdedi.