Álemde koronavırýs juqtyrǵandar sany 160 mıllıonnan asty

NUR-SULTAN. QazAqparat - Pandemııa bastalǵannan beri álem boıynsha 160 mıllıonnan astam adam koronavırýs ınfektsııasyn juqtyrdy, dep habarlaıdy QazAqparat.

Bul jaıynda koronavırýstyń taralýyna jol bermeý jónindegi vedomstvoaralyq komıssııa málimet taratty.

Resmı aqparatqa súıensek, Germanııanyń ózinde indetke shaldyqqandardyń sany 3,5 mıllıon adamnan asady.

Onyń 3,23 mıllıony nemese 90 protsenti aýrýynan aıyqqan.

Osy málimetterdi eskersek, álem boıynsha SARS-CoV-2 ekpesine degen suranystyń qandaı deńgeıde bolatynyn boljaýǵa bolady.

COVID-19 ınfektsııasynan aıyqqandardyń ózi bir ekpege muqtaj ekenin umytpaǵan abzal.

Ulybrıtanııa Úndistanǵa taǵy 1000 ÓJJ apparatyn jiberedi.

«Sovid-19 indetimen kúresý úshin bárimiz birlesip jumys isteýimiz kerek. Jaǵdaı barshamyzǵa qaýipsiz bolmaıynsha qaýip-qater bárimizge tónedi» delingen Ulybrıtanııa SІM basshysy Domınık Raabtyń málimdemesinde.

Buǵan deıin el sońǵy kezde koronavırýs ınfektsııasynyń kóptep tirkeletin núktesi Úndistanǵa 200 ÓJJ apparatyn, 500-ge jýyq ottegi kontsentratory men úsh ottegi generatoryn joldaǵan bolatyn.

Pandemııaǵa baılanysty tórt aıdan astam májbúrli úzilisten keıin ıtalıandyq Kosta keme kompanııasy krýızderin qaıta bastaıdy.

Bortynda 1500 jolaýshysy bar «Costa Smeralda» flagman kemesi Savona portynan shyqty. Bul onyń naqty syıymdylyǵynyń tórtten bir bóligin quraıdy.

Barlyq ekıpaj músheleri men jolaýshylar bortqa jiberilmes buryn koronavırýstyq ınfektsııasyna tekserýden ótýi kerek edi.

Sondaı-aq, kemede betperdeni mindetti túrde kııý talap etiledi. Birinshi krýız Italııa jaǵalaýyn boılaı ótedi.

AQSh-ta koronavırýs saldarynan ólim-jitim sanynyń kúndelikti kórsetkishi ótken jyldyń naýryz aıynan bergi eń tómengi deńgeıge jetti.

Ótken aptada elde COVID-19 saldarynan kúnine 546 adam mert boldy, dep málimdedi AQSh Aýrýlardy baqylaý jáne olardyń aldyn alý ortalyǵynyń (CDC) mamandary.

Sondaı-aq, ınfektsııanyń jańa jaǵdaılarynyń sany azaıyp keledi.