Álemde koronavırýs vaktsınasynyń 7 mlrd astam dozasy salyndy

MÁSKEÝ. TASS – QazAqparat – Álem boıynsha koronavırýsqa qarsy vaktsınalanǵandar sany 7 mıllıardtan asty. Olardyń jartysynan kóbi úsh elde: Qytaıda (2,3 mlrd), Úndistanda (1,1 mlrd) jáne AQSh-ta (0,4 mlrd) salyndy, dep habarlaıdy QazAqparat TASS agenttigine silteme jasap.

Qazirgi ýaqytta adamdarǵa COVID-19-ǵa qarsy vaktsınalardyń 7,001 mlrd dozasy salynǵan. Bútin ǵalamarda vaktsınatsııanyń tolyq kýrsynan qansha adam ótkenin anyqtaý áli de múmkin emes. Óıtkeni kóptegen el tek kovıd vaktsınalarynyń sertıfıkattalǵan dozalarynyń sany men jasalǵan ekpelerdiń sany týraly ǵana habarlaıdy.

BAÁ men Maltada turǵyndardyń 90% astamy ekpe saldyrǵan. Portýgalııa, Kýba, Chılı, Islandııa, Kambodja, Katar, Ispanııa, Sıngapýr, Brýneı jáne Ońtústik Koreıa sııaqty memleketterde halyqtyń 80% astamy keminde bir komponentpen egilgen.

Reseıde, koronavırýspen kúres jónindegi federaldy jedel shtabtyń málimetteri boıynsha, 50,9 mıllıonnan astam adam koronavırýsqa qarsy vaktsınatsııanyń tolyq kýrsynan ótken, al alǵashqy komponentpen 56,8 mıllıon adam egilgen.