Álemde kokaın óndirisi rekordtyq deńgeıge jetti

ASTANA. QazAqparat – Álemde kokaın óndirisi rekordtyq deńgeıge jetti – esirtkige suranys koronavırýs ınfektsııasyna baılanysty engizilgen karantınnen keıin qalpyna keldi, dep habarlaıdy QazAqparat BBC silteme jasap.

BUU esirtki men qylmys basqarmasy 2021-2022 jyl aralyǵynda japyraǵynan esirtki jasalatyn kokony ósirý 35%-ǵa artqanyn málimdedi. Derekter Batys jáne Orta Afrıkada jańa esirtki kontrabandasy ortalyqtary paıda bolǵanyn dáleldeıdi. Basqarma esebinde de esirtki satýshylar tutynýshylarǵa esirtkini jetkizý úshin halyqaralyq poshta qyzmetin jıi paıdalana bastaǵany aıtylǵan. Eýropa men Soltústik Amerıka kokaın ótkizetin iri naryqtar bolyp sanalady, olardan keıingi qatarda Ońtústik jáne Ortalyq Amerıka men Karıb basseıni elderi bar.

Sondaı-aq olar koronavırýs ınfektsııasy esirtki naryǵyna úzilis ákeldi degen qorytyndyǵa keldi. Sebebi sol kezde halyqaralyq saparlar birden qysqarǵan bolatyn. Jalpy kokaınǵa suranystyń birden azaıýyna túngi klýbtar men barlardyń pandemııa kezinde jabyq bolǵany da áser etken.

«Degenmen keıingi derekter mundaı tómendeý uzaqqa sozylmaǵanyn dáleldedi. Jahandyq kokaın jetkizý rekordtyq kórsetkishte tur», - delingen esepte. Esirtki kontrabandasy boıynsha, burynǵysha, Kolýmbııa kósh bastap tur.