03:46, 18 Shilde 2024

Álemde kez kelgen ýaqytta jańa pandemııa bastalýy múmkin – DDSU basshysy

ASTANA.KAZINFORM – Dúnıejúzilik densaýlyq saqtaý uıymynyń (DDSU) bas dırektory Tedros Adanom Gebreısýs Jenevada aldyn alý týraly kelisim jobasyn ázirlep jatqan úkimetaralyq kelissózder organynyń (IGNB) otyrysynda sóılegen sózinde álemde kez kelgen ýaqytta jańa pandemııa bastalýy múmkin ekenin eskertti, dep jazady TASS.

Foto: akorda.kz

- Qazirgi H5N1 (qus tumaýynyń) órshýi bizge kelesi pandemııanyń kez kelgen ýaqytta kele salýy múmkin ekenin kórsetti. Ol kez kelgen ýaqytta kele alady. Ol bizdi kútpeıdi, - dep atap ótti DDSU bas dırektory.

11 shildede Jenevada ótken baspasóz máslıhatynda Gebreıesýs barlyq elderdi qus tumaýyn qadaǵalaýdy kúsheıtýge shaqyryp, Kambodja men Amerıka Qurama Shtattarynda indettiń sońǵy jaǵdaılaryna nazar aýdardy.

Ol sondaı-aq táýekel toptaryna, atap aıtqanda, 60 jastan asqan adamdar men medıtsına qyzmetkerlerin jylyna keminde bir ret COVID-19-ǵa qarsy vaktsınatsııalaý qajettigin eske saldy. Dúnıejúzilik densaýlyq saqtaý uıymynyń málimeti boıynsha álemde apta saıyn orta eseppen 1,7 myń adam qaıtys bolady.

Densaýlyq Pandemııa Álem

Erkejan Smaǵulova

2008 jyly Sh. Qudaıberdiuly atyndaǵy SMÝ-dyń jýrnalıstıka fakýltetin bitirgen. Eńbek jolyn oblystyq «Semeı tańy» gazetinen bastaǵan. 2018 jyldan bastap Kazinform halyqaralyq aqparat agenttiginde aýdarmashy.