Álemde elektromobılderdiń kóbeıýi Qazaqstanǵa qandaı paıda ákeledi

<p>&nbsp; Ónerkásip jáne qurylys mınıstri Qanat Sharlapaev álemde elektromobıl alatyn adamdardyń kóbeıýinen Qazaqstanǵa qandaı paıda keletinin aıtty, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

«Qazaqstan óziniń resýrstyq bazasynyń arqasynda básekege qabiletti ekendigi óte mańyzdy. Bul turǵyda mys óndirý baǵytyn atap ótýge bolady. Barsha álem «jasyl ekonomıkaǵa», avtokólikterde elektr qozǵaltqyshtaryn ornatýǵa kóshýge erekshe mán berip otyr. ıAǵnı, orta eseppen Tesla nemese basqa da elektromobılderde 2-3 elektr qozǵaltqysh ornatylady, onda 15-14 keli mys oramasy bar», - dedi Q. Sharlapaev Senatta depýtattar suraǵany jaýap bere otyryp.

Onyń aıtýynsha, aldaǵy jyldary elektromobıl naryǵy aıtarlyqtaı ósýi múmkin.

«Eger adamdar jappaı elektromobılge otyra bastasa, barsha álemde mys óndirý deńgeıi eselep artýy tıis. Osy baǵytta elimiz katodty mys sekildi daıyn ónim shyǵarsa, onda elimizde damytý úshin naryq áleýetiniń deńgeıi aıtarlyqtaı joǵary», - dedi mınıstr.

Mınıstr tústi metallýrgııada ınvestıtsııa kólemi shamamen 600 mlrd teńgeni quraıtyn mys balqytý zaýytyn (KAZ Minerals/ NFC) iske qosý josparlanǵanyn aıtty.

Katodty mys jobasyn iske asyrý nátıjesinde Qazaqstan álemniń bes iri óndirýshisiniń (Qytaı, Japonııa, Chılı jáne Reseı Federatsııasynan keıin) qataryna kiredi.