Álemde COVID-19 vırýsyna shaldyǵýdyń antırekordy tirkeldi
Bul qańtar aıynyń basynda tirkelgen buǵan deıingi antırekordtan kóp. Ásirese, Úndistan elinde jaǵdaı aýyr, onda COVID-19 vırýsyn juqtyrýdyń 330 myńnan astam jańa oqıǵasy tirkelgen.
Úndistan bıligi pandemııaǵa qarsy kúres júrgizýdiń jańa sharalaryn qoldaný máselesine kirisken kezde, Eýropanyń keıbr elderi shekteýdi birtindep azaıtyp jatyr. Frantsııa karantınnen shyǵýǵa daıyndalyp otyr. Osy arada, dárigerler aýrýhanalarda koronavırýs juqtyryp, aýyr halde jatqan myńdaǵan adamnyń jatqanyn eskertýde. Parıjdiń reanımatolog dárigeri Aleksı Tran Dın mundaǵy bir patsıent áıeldiń jaǵdaıy týraly baıandap berdi:
«Eger ony tirshilikpen qamtamasyz etý apparattarynyń birinen ajyratsaq, oǵan ottegi jetpeı, birneshe mınýttyń, ne odan da az ýaqyttyń ishinde qaıtys bolady. Bul bizdiń qate jiberýge quqyǵymyz joq ekenin kórsetip otyr», - deıdi dáriger.
Karantın sharalarynyń jeńildetilýi vaktsınalaýdyń sátti ótkizilýine baılanysty. Majarstanda meıramhanalardyń terrasasy ashyldy. Olar qarasha aıynan beri taǵamdy tek alyp ketýshilerge ǵana satqan bolatyn. Bul eldiń árbir úshinshi turǵynyna ekpe salynǵan soń lokdaýn jeńildetile bastady.