Álemde bir aptada koronavırýstan qaıtys bolǵandar sany 8% artty – DDSU

JENEVA. TASS - QazAqparat – Ótken aptada álemde 3 mıllıonnan astam adam koronavırýs ınfektsııasyn juqtyrsa, 50 myńnan astam adam qaıtys boldy, dep habarlaıdy QazAqparat TASS-qa silteme jasap.

Sársenbi kúni Dúnıejúzilik densaýlyq saqtaý uıymynan (DDSU) málim etkendeı, ınfektsııa juqtyrǵandar sany jeti kúnde 3%, al qaıtys bolǵandar sany 8% artty.

«Sońǵy bir aptada álemde koronavırýs juqtyrǵandar sany onyń aldyndaǵy aptamen salystyrǵanda aıtarlyqtaı ósti (3%). Barlyǵy 3 mln astam jaǵdaı tirkeldi», - delingen DDSU epıdemıologııalyq bıýlleteninde.

Qaıtys bolǵandar sany bir aptada 8% (50 myń adam) kóbeıdi.

Іndetti juqtyrǵandardyń 60% Eýropa turǵyndary. Jeti kúnde naýqastar sany 6% artqan, Amerıkada – 3%, Batys Tynyq muhıty elderinde 2% ósken. Shyǵys Jerorta teńizinde KVI-di juqtyrý aıtarlyq azaıǵan (12%), Ońtústik-Shyǵys Azııada (9%) jáne Afrıkada (9%) da tómendegen. Іndetten qaıtys bolǵandardyń eń kóbi Ońtústik-Shyǵys Azııada tirkeldi (50%).

Bıýlletende keltirilgen málimetterge sáıkes, 25-31 qazan aralyǵynda álemde 3 021 634 adam koronavırýs juqtyrǵan jáne 50 477 adam qaıtys bolǵan. Bir aptada eń kóp aýrý juqtyrǵan elderge AQSh (528 455), Ulybrıtanııa (285 028), Reseı (272 147), Túrkııa (182 027) jáne Ýkraına (152 897) kiredi.