Álemde bıdaı men unnyń qymbattaýy Qazaqstan naryǵyna áser etpeıdi – AShM
«Sońǵy kezderi BAQ-ta unnyń nemese nannyń baǵasynyń kóteriletini týraly kóp aqparat taralýda. Іshki naryqta bıdaıǵa nemese unǵa degen tapshylyq joq. Árıne, álemdik naryqta Reseı tarapynan salynǵan shekteýge baılanysty bıdaı men unǵa suranys artqany belgili. Osy sebepti álemdik naryqta bıdaı baǵasy birneshe esege óskeni baıqalady. Oǵan qaramastan, biz ishki naryqty turaqtandyrý maqsatynda turaqtandyrý qorlarynda qajetti kólemde kez kelgen óńirdiń óziniń fızıologııalyq tutyný normalaryna sáıkes, sol halyqty qajetti kólemde qamtamasyz etý úshin kepildi túrde turaqtandyrý qorlarynda qajetti kólemdegi un satyp alamyz», - dedi spıker Ortalyq kommýnıkatsııalar qyzmetinde ótken baspasóz máslıhatynda.
Onyń aıtýynsha, Qazaqstanda 120 myń tonnaǵa jýyq un bar. Sonyń 30 myńǵa jýyǵy turaqtandyrý qorlarynda saqtaýly.
«Turaqtandyrý qorlarynyń negizgi mindetteriniń biri – baǵany turaqtandyrý. ıAǵnı naryqta, Qazaqstanyń ishki naryǵy bolsyn, álemdik naryq bolsyn, bıdaı nemese un baǵasy qymbattaǵanda atalǵan turaqtandyrý qorlarynda saqtaýly turǵan un ishki naryqta arzandatylǵan baǵamen satylady. Odan bólek, Azyq-túlik kelisimshart korporatsııasynyń rezervinde 800 myń tonnaǵa jýyq astyq saqtalǵan. Onyń 500 myń tonnasy rezervtik qor bolyp sanalady. Atalǵan qordyń da negizgi maqsaty - ishki naryqty turaqtandyrý nemese qandaı da bir tapshylyq týyndaǵan kezde kepildi túrde ishki naryqty bıdaımen qamtamasyz etý. Sondyqtan bıdaı nemese un baǵasynyń álemdik naryqta ósýi ishki naryqta tikeleı unnyń nemese nannyń baǵasynyń kóterilýine áser etedi degen pikir – qate. Elimizde ishki naryqta memleket tarapynan qoldanylyp otyrǵan baǵany turaqtandyrýǵa arnalǵan arnaıy baǵdarlamalar bar. Sonyń aıasynda áleýmettik nanǵa jáne unǵa degen baǵa árdaıym turaqty bolady. Іshki naryqta bıdaı qory jetkilikti. Іshki naryqta unnyń óndirisi úzdiksiz júrgiziledi jáne kún saıyn qajetti un kólemimen tolyqtyrylyp otyrady», - dedi Nazgúl Hatepova.
Buǵan deıin Astyq óńdeýshiler odaǵy elimizde bir jarym aptaǵa ǵana jeterlik bıdaı qory qalǵanyn málimdegen edi. Astyq ósirýshiler men óńdeýshiler bıdaıdy bólise almaı daý týǵany, bıdaı taýsylsa barlyq dıirmender jumysyn toqtatýǵa májbúr ekeni aıtylǵan edi.
Óz kezeginde Aıdarbek Saparov elde eshqandaı astyq tapshylyǵy joq ekenin málimdedi. 1 sáýirdegi jaǵdaı boıynsha respýblıkada 6,4 mln tonna astyq bolǵan.
7 sáýirdegi jaǵdaı boıynsha eldegi un qory 118 myń tonnaǵa jetedi, onyń ishinde: turaqtandyrý qorlarynda - 10,4 myń tonna, «aınalym shemasy» aıasynda – 22 myń tonna, óndirýshilerde – 48,6 myń tonna, qoımalarda – shamamen 20 myń tonna jáne saýda obektilerinde – 18 myń tonna bar. Atalǵan kólem ishki qajettilikti qamtamasyz etýge tolyq jetkilikti.