Álemde ádiletti qoǵam qurý bárimizge ortaq mindet – Memleket basshysy

NUR-SULTAN. QazAqparat – Pandemııadan keıingi álemde ádiletti qoǵam qurý bárimizge ortaq mindet. Bul týraly QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Halyqtar arasyndaǵy kelisimdi nyǵaıtyp, pandemııadan keıingi álemde ádiletti qoǵam qurý bárimizge ortaq mindet. Osy oraıda ashyq dıalog ornatý óte mańyzdy. Din kóshbasshylarynyń VII sezi tyń ıdeıalarǵa jol ashyp, barshamyzdy bıik belesterge jetkizedi dep senemin. Bizdiń múddemiz jáne nıetimiz bir. Bárimiz de beıbit ári berekeli bolashaqqa qadam basýdy qalaımyz. Osy ıgi maqsatqa birge jeteıik. Sezd jumysyna tabys tileımin. Duǵa tilekterińiz qabyl bolsyn», - dedi Qazaqstan Prezıdenti Álemdik jáne dástúrli dinder lıderleri VII seziniń ashylýynda sóılegen sózinde.