Álemde 770 mln astam eresek adam oqyp, jaza almaıdy

NUR-SULTAN. QazAqparat – 8 qyrkúıekte Halyqaralyq saýattylyq kúni atalyp ótiledi. Qazirgi ýaqytta álemde oqı da, jaza da almaıtyn 770 mln astam eresek adam bar, dep habarlaıdy QazAqparat BUU Jańalyqtar qyzmeti saıtyna silteme jasap.

Tek ár besinshi memleket 12 jasqa deıin tegin mindetti bilim berýge zań turǵysynan kepil bere alady. Kóptegen elderde pandemııaǵa baılanysty bilim salasy aıtarlyqtaı nasharlady. ıÝNESKO bas dırektory Odre Azýle sońǵy onjyldyqtardaǵy osy baǵyttaǵy úlken jetistikterdi eske túsire otyryp, bilim berý salasyndaǵy kúsh-jigerdi jandandyrýǵa shaqyrdy. Ol bilim berý basty qoǵamdyq ıgilikterdiń biri ekenin jáne 2030 jylǵa deıingi kezeńge arnalǵan turaqty damý salasyndaǵy barlyq kún tártibin júzege asyrýdyń mańyzdy quraly ekenin atap ótti.

«Birlesken kúsh-jigerdiń arqasynda biz bul baǵytta kóp nársege qol jetkizdik. 1979 jyly bizdiń planetamyzdaǵy adamdardyń tek 68 paıyzy oqyp, jaza aldy. 2020 jylǵa qaraı bul kórsetkish 86,7 paıyzǵa deıin ósti. Aıqyn progreske qaramastan, búkil álem boıynsha 771 mıllıon eresek adam áli de negizgi saýattylyq daǵdylaryna ıe emes, olardyń 60 paıyzy qyzdar men áıelder», - dedi Odre Azýle.

ıÝNESKO málimeti boıynsha, pandemııa saldarynan 24 mıllıonǵa jýyq oqýshy eshqashan mektep pen basqa oqý oryndaryna oralmaýy múmkin. Onyń 11 mıllıony - qyzdar men jas áıelder. Ol bilim berý úshin qarjylandyrýdy ulǵaıtýǵa jáne halyqaralyq kómek kólemin arttyrýǵa shaqyrdy.

Foto: images.fleximize.com