Álemde 3,6 mıllıard adamnyń qaýipsiz dárethanalardy paıdalaný múmkindigi joq – DDSU
Uıym taratqan málimetterge qaraǵanda, álemde jyl saıyn sýdyń lastanýy men antısanıtarııa saldarynan týyndaǵan dıareıa aýrýlarynan 829 000 adam qaıtys bolady.
Sondaı-aq uıym esebi boıynsha álemde 2 mlrd adam qaýipsiz aýyz sýǵa qol jetkize almaı otyr. Sondyqtan sý kózderin qorǵaý, aǵyn sýlardyń, qaldyqtar men hımııalyq zattardyń kólderge, ózender men jerasty sýlaryna túsýine jol bermeý mańyzdy.
DDSU-nyń habarlaýynsha, Dúnıejúzilik densaýlyq kúnin atap ótýdegi maqsat qoǵamnyń nazaryn densaýlyq problemalaryna aýdarý.
«Densaýlyqty saqtaý - bul ár adamnyń mindeti ǵana emes, sonymen qatar qoǵamdyq jáne memlekettik uıymdar, densaýlyq saqtaý júıeleri júrgizetin sharalardyń keń spektri. 2022 jyly Dúnıejúzilik densaýlyq kúni «Bizdiń planetamyz, bizdiń densaýlyǵymyz» atty jahandyq ıdeologııaǵa arnalǵan. Pandemııa, planetarlyq ekologııalyq daǵdarys, qaterli isik, astma jáne júrek aýrýlary sııaqty aýrýlardyń áserinen DDSU álemdik qoǵamdastyqtyń nazaryn adam densaýlyǵy men planetany qorǵaýǵa, adamnyń ál-aýqatyna baǵyttalǵan qoǵam qurý qozǵalysyn kúsheıtýge baǵyttaıdy»,-delingen habarlamada.
Osyǵan deıin Qazaqstanda «Pfizer» vaktsınasyn 36 179 júkti áıel saldyrǵany habarlandy.