Álem juldyzdary qazaqstandyqtardy Naýryz meıramymen quttyqtaýda
Іzgi tilek joldaýshylardyń arasynda áıgili Daniel aıaq kıimder jelisimen tanylǵan Malaızııanyń dızaıneri Djımmı Chý da bar.
«Barshańyzǵa qutty naýryz tileımin jáne Qazaqstan táýelsizdginiń 30 jyldyǵymen shyn júrekten quttyqtaımyn. Naýryz qarsańynda barlyq qıynshylyqtar artta qalyp, Jańa jylda bári jańarady», - dedi áıgili dızaıner.
Al qazaq estradasynyń toı ánderin Germanııada nasıhattaý arqyly tanymal bolǵan burynǵy otandasymyz Paýl Frıdrıh pen Olga Kasper qazaq jáne orys tilderinde júrekjardy tilekterin aıtyp, «Shýdyń boıynda» ánin mýzykalyq sálem etip joldady.
Bollıvýd juldyzy Rahýl Khanna da áz Naýryzǵa oraı eń izgi tilekterin arnapty.
«Naýryz merekesine oraı barsha qazaqstandyqtarǵa myqty densaýlyq, baqyt, qýanysh jáne bereke tilegim keledi. Jyl boıy dastarhandaryńyz astan arylmaı, molshylyq serik bolady dep úmittenemin. Barshańyz úshin Naýryz aıy tabysty ári berekeli bolsyn! Jańa jyldaryńyzben», - deıdi akter.
Qazaqstanda týyp, Germanııanyń zań shyǵarýshy ınstıtýtynda tabysty eńbek etip júrgen Soltústik Reın Vestfalııanyń qalalyq okrýgtik jáne jer Parlamentiniń depýtaty Haınrıh Tsertık te Ulys kúni erekshe meıram ekenin atap ótti.
«Birazdan keıin Naýryz meıramy kiredi. Bul erekshe meıram. Bul – kóktemniń, baqyttyń, beıbitshilik pen bereke-birliktiń meıramy. Men Qazaqstannyń týmasy retinde sizderge shyn júrekten barlyq jaqsylyqtardy tileımin. Gúldene berińizder, damı berińizder», - dedi germanııalyq depýtat.
Quttyqtaýshylar arasynda Sıngapýrdegi Gardens by the Bay saıabaǵynyń bas dırektory, ekologııalyq dızaıner Felıks Lo da bar.