Álem juldyzy jáne beıbitshilik elshisi: frantsııalyq jýrnal Dımash Qudaıbergen týraly maqala jarııalady

<p>ASTANA. KAZINFORM &ndash; Frantsııanyń Plan&egrave;te Paix jýrnalynyń 2024 jyldyń 23-shi qyrkúıegindegi sanynda qazaqstandyq ánshi Dımash Qudaıbergen týraly maqala jarııalandy, dep habarlaıdy&nbsp;<a href="https://ru.dimashnews.com/smi-francii-pishut-o-dimashe/" target="_blank" rel="noopener">dimashnews.com</a>.</p>

Planète Paix Frantsııadaǵy beıbitshilikpen baılanysty ózekti máselelerge arnalǵan aı saıyn shyǵatyn jalǵyz jýrnal.

Jýrnaly shyǵarý isine Frantsııada jáne odan tys jerlerde tanymal jýrnalıster, qoǵamdyq uıymdardyń kóshbasshylary, jekelegen sheneýnikter, ártister men sarapshylar qatysady. Bul jýrnalǵa beıbitshilikke umtylǵan barlyq deńgeıdegi adamdardyń pikiri men áreketin kórsetýge múmkindik beredi.

«Dımash Qudaıbergen: álem juldyzy jáne beıbitshilik elshisi» atty maqalada avtor ánshini Qazaqstan atynan halyqaralyq deńgeıde óner kórsetetin jetekshi artıst retinde kórsetedi. Sondaı-aq onda Dımashtyń balalyq shaǵy men búgingi kúnge deıingi shyǵarmashylyq joly týraly baıandalady.

Avtor Dımashtyń óz shyǵarmalarynda beıbitshilik pen birlikke shaqyratynyn aıtady, al onyń «Bir aspannyń tarıhy» atty avtorlyq týyndysy osynyń jarqyn kórinisi deýge bolady.

2024 jyldyń aqpanynda qazaqstandyq ánshi BUU-nyń kóshi-qon boıynsha halyqaralyq uıymynyń erikti óńirlik elshisi qyzmetine taǵaıyndaldy.

Buǵan qosa Dımashtyń beıbitshilik pen birlik fılosofııasy ol ózi «Dears» dep ataıtyn ónerine tánti azamattar tarapynan qoldaý taýyp otyr.

Jyl saıyn ánshiniń túrli memleketterdegi fanattary Dımashtyń isin qoldap, gýmanıtarlyq jáne ekologııalyq bastamalardy júzege asyrady.