«Álem jaýyngeri»: El áskerinde úzdik bitimger anyqtalady
Bitimgershilik qyzmet – Qazaqstannyń syrtqy saıasatynyń mańyzdy bóligi. Memlekettiń osy aýqymdaǵy kúsh-jigeri qarýly qaqtyǵystardyń aldyn alýǵa, olardy tejeýge, toqtatýǵa, gýmanıtarlyq kómek kórsetýge baǵyttalǵan.
Qarýly Kúshterde 2019 jyldan bastap jyl saıyn «Álem jaýyngeri» saıysy ótkiziledi. Oǵan barlyq Qarýly Kúshter túrleriniń jáne ásker tekteriniń áskerı qyzmetshileri qastysady. Saıystyń negizgi maqsaty – mamandardyń kásibı jáne bitimgershilik daıarlyǵynyń deńgeıin arttyrý, áskerı qyzmetshilerdiń kásibı turǵyda ósýine yqpal etý bolyp tabylady.
- Bul konkýrs bitimgerlik mıssııaǵa tyń mártebe berýge baǵyttalǵan. Búginde osy baǵyt búkil álemde ózekti bolyp tabylady. Gýmanıtarlyq jáne bitimgerlik kómek qatar júredi. Biz bul baǵytty da damytýymyz kerek, - dedi bitimgershilik daıarlyq basqarmasynyń aǵa ofıtseri podpolkovnık Іlııas Mustafın.
Saıys teorııalyq jáne praktıkalyq kezeńderden turady. Qatysýshylar bitimgershilik operatsııalarynyń quqyqtyq aspektilerin jáne bitimgershilik kodeksin, BUU jarǵysynyń negizderi men erejelerin, kúsh qoldaný qaǵıdalaryn jáne bitimgershilik kodeksin bilýge arnalǵan testileýdi tapsyrady.
Tapsyrmalardy is júzinde oryndaý kezinde áskerı qyzmetshiler tereń bilimdi ǵana emes, sonymen qatar zerektilik pen eptilikti de meńgerýi tıis. Toptarǵa bólingen qatysýshylar áskerlerdiń qozǵalysyn, kúzet pen tosqaýyl beketterdegi qyzmet júrgizýdi uıymdastyrýdaǵy biliktiligin kórsetýi kerek. Onyń ishinde azamattyq personal men avtomobıl tehnıkalaryn tintý jumystaryn júrgizý tártibin kórsetedi. Árbir jaǵdaıǵa shapshań ári laıyqty sheshim qabyldaýdy talap etetin qosymsha tapsyrmalar da usynylady.
Ár durys oryndalǵan tapsyrma úshin bitimgerlerge jeke-jeke upaılar berilip, onyń nátıjeleri boıynsha jeńimpaz anyqtalatyn bolady.
Atalǵan «Álem jaýyngeri» saıysy aǵymdaǵy jyldyń 25-shi qazanyna deıin jalǵasady.