«Álem kýbogy Saryarqadan bastalady» - respýblıkalyq basylymdarǵa sholý

- Qazaq aqparat agenttigi respýblıkalyq basylymdarda 14 qazan, juma kúni shyqqan ózekti materıaldarǵa sholýdy usynady.

***

Keshe Qazaqstan Respýblıkasynyń Prezıdenti Nur­sul­tan Nazarbaev Ońtústik Qazaqstan oblysyna ju­mys saparymen keldi. Tańerteńgilik Shymkent gar­nızonyndaǵy áskerı qalashyqty saltanatty jaǵdaıda ashty. Qarýly Kúshterimizdiń Joǵarǵy Bas qol­bas­shy­sy 35748 áskerı bóliminiń komandıri polkovnık Nurlan Qa­shaǵanovqa Jaýyngerlik týdy tabys etti. Elbasynyń ońtústik óńirge jasaǵan sapary arqaý bolǵan maqala «Egemen Qazaqstan» gazetinde «Otanymyzdyń áleýeti ońtústiktiń ómirinen aıqyn kórinedi» degen taqyryppen berilgen. Shymkent garnızonynan keıin Memleket basshysy qa­la­nyń ejelgi bóliginde boı kóter­gen "Táýelsizdik" saıaba­ǵyn aralady. Qala syr­tyn­daǵy "Indýstrııalyq aımaqta" boldy. Sodan soń Qajymuqan atyndaǵy ortalyq stadıonnyń janynan salynǵan jańa jeńil atletıka manejine at­basyn tiredi.

«Maqala taqyrybyndaǵy sóılem AQSh Prezıdenti Barak Obamanyń «ıAdrosyz álem úshin» atty Astana forýmyna qatysýshylarǵa Joldaýynan alynyp otyr. Osy sóz keshe jıynnyń Semeı jáne Kýrchatov qalalarynda jalǵasqan ekinshi kúngi is-sharalarynda oǵan qatysýshylardyń pikir-lebizimen qaıta jańǵyryp, qýatty únmen estile bastady», - dep jazady «Egemen Qazaqstan» gazeti búgingi sanyndaǵy «ıAdrolyq qaýipsizdik salasynyń lıderi» degen taqyryptaǵy maqalasynda. Basylymnyń atap ótýinshe, «ıAdrolyq qarýsyz álem úshin» halyqaralyq forýmy Semeıde «Ólimnen de kúshti» monýmentiniń basyndaǵy 20 myń adam qatysqan Semeı atom polıgony jabylýy­nyń 20 jyldyǵyna arnalǵan bú­kil­halyqtyq mıtıngimen qorytyn­dy­landy.

***

Aptanyń sátti kúninde jıylatyn májilismenderdiń ótken aptada basy qosylmap edi. Bul aptanyń sársenbisinde de Májilis úıi tym-tyrys. Osyǵan qarap «depýtattar taǵy bir otyrysty «qaza» jasaı ma?» dep oılap edik. Óıtpedi. Keshegi otyrysta aldaǵy úsh jyldy qamtıtyn «2012-2014 jyldarǵa arnalǵan respýblıkalyq bıýdjet týraly» zań jobasy depýtattardyń biraýyzdan maquldaýynan ótti. Osy jaıt arqaý bolǵan maqala «Alash aınasy» gazetiniń búgingi nómirinde «Daǵdarysqa qarsy daıyndyq» degen taqyryppen basyldy.

«Astanamyzdyń kórikti kesheniniń biri, halyqaralyq standarttardyń barlyǵyna sáıkes keletin «Saryarqa velotreginde qarasha aıynyń 4-i men 6-sy aralyǵynda volotrekten álem kýbogy ótedi», - dep jazady «Alash aınasy» gazeti búgingi nómirindegi «Álem kýbogy Saryarqadan bastalady» degen taqyryptaǵy maqalasynda. Basylymnyń atap ótýinshe, atalǵan baıraqty básekeniń birinshi kezeńi elordada jalaýyn kóterse, ekinshi kezeńi jeltoqsan aıynda Kolýmbııanyń Kalı qalasynda jalǵaspaq. Al qańtar aıynda kelesi kezeńniń estafetasyn Qytaı astanasy Beıjiń almaq. Eń sońǵy kezeńniń máre syzyǵy 2012 jyldyń aqpan aıynda Londonda bolmaq.

***

«Aıqyn» gazetiniń jazýynsha, Qazaqstan boks federatsııasy jolyndaǵy jarystyń ekinshi kezeńinde kezdesetin komandalar anyqtalyp, kúni keshe kezdesýler qaı jerde ótetini belgili boldy. Bul básekelerge jankúılerlerdiń qyzyǵýshylyǵy erekshe. Óıtkeni elimizdegi 14 oblys jáne Astana men Almaty qalalary jeke-jeke komanda jasaqtap, ózara kúsh synasyp, myqtylar men osaldardy anyqtaıdy. Eń bastysy, osyndaı jarys uıymdastyrý arqyly boks óneriniń qaı óńirde damý barysy qandaı deńgeıde ekenin ańǵarýǵa bolady. Maqala «Jetisýlyqtar julqynyp tur» degen taqyryppen berilgen.

***

«Memleket basshysy Nursultan Nazarbaev Birikken Arab Ámir­lik­teriniń Prezıdenti Abý-Dabı ámiri sheıh Halıfa ıbn Zaıd Ál-Na­haııanmen kezdesti», - dep jazady «Kazahstanskaıa pravda» gazeti. Basylymnyń atap ótýinshe, kezdesý kezinde ekijaqty yn­ty­maqtastyqtyń jaı-kúıi men pers­pek­tıvalary talqylandy. Atap aıtqanda, «Abý Dabı - Plaza» iri birlesken jobasyn iske asyrý jáne ınvestıtsııa tartý týraly sóz boldy.