Álem Kýboginiń tórtinshi kezeńi: Qazaqstandyq bıatlonshy óziniń úzdik kórsetkishin tirkedi

<p>Germanııanyń Oberhof qalasynda ótip jatqan Álem Kýbogynyń tórtinshi kezeńinde bıatlonnan 10 km qashyqtyqqa sprınt saıysy óz máresine jetti, dep habarlaıdy Kazinform.</p>

Qazaqstannyń bıatlonshylar odaǵynyń málimetinshe, atalǵan jarysta qazaqstandyq bıatlonshylar Aleksandr Mýhın men Vladıslav Kıreev 100 sportshynyń arasynan úzdik otyzdyqqa endi.

Aleksandr márege 16-shy bolyp jetti. Ol jeńimpazdan 1:06.8 ýaqytqa qalyp qoıdy. Desede bul nátıje onyń jeke jetistigindegi eń úzdik kórsetkishi.

Ekinshi atletimiz Vladıslav Kıreev máre syzyǵyn 29-shy bolyp kesip ótti. Ol barlyq nysanaǵa dál tıgizip, +1:44.6 ýaqyttan keıin úzdikter qataryna endi.

Osy jarysta ulttyq qurama sapynda Aset Dıýsenov te óner kórsetti. Ol 71-shi bolyp, jeńimpazdan +3:07.9 ýaqyttan keıin jarysty aıaqtady.

Alǵashqy bolyp jeńis tuǵyryna nemis sportshysy Benedıkt Doll (24:12.2) jetti. Ekinshi orynǵa norvegııalyq sportshy Stýrla Legreıd (+1.8), úshinshi orynǵa taǵy bir norvegııalyq sportshy Endre Stremshaım jaıǵasty(+5.4).