Álem elderi Qazaqstannyń beıbitshilik pen turaqtylyq tájirıbesin zerttep jatyr
Aıta keteıik, brıfıngke qatysýshylar Qazaqstan halqy Assambleıasynyń jylyn jáne Qazaqstan Respýblıkasy Konstıtýtsııasynyń 20 jyldyǵyn uıymdastyrý jáne ótkizý jónindegi Ulttyq is-sharalar jospary sheńberinde ulysaralyq yntymaqtastyq máselelerine arnalǵan Ýppsala ýnıversıtetindegi (Shvetsııa) halyqaralyq konferentsııa týraly áńgimeledi.
«Halyqaralyq konferentsııada kóp elderden jınalǵan ǵalymdar qazaqstandyq modelge aıryqsha qyzyǵýshylyq tanytty. Onda kóterilgen birinshi másele - daý-janjalǵa, qaqtyǵystarǵa jol bermeý turǵysynda boldy. Al bul turǵyda Qazaqstan erekshe, sebebi elimizde kóptegen ult ókilderiniń birligi men tatýlyǵynan alatyn ónege barshylyq. Osy oraıda sheteldikter bizdiń tájirıbemiz boıynsha kóp saýaldar qoıyp, bizdiń tarapymyzdan jaýap aldy. Sheteldik ǵalymdar «Qazaqstandaǵy etnostar ishinde qandaı máseleler bar jáne olar qalaı sheshiledi?» degen suraqty qoıdy. Bul turǵyda eń basty ınstıtýt - Qazaqstan halqy Assambleıasy ekenin túsindirip berdik», - dedi ol.
Óz kezeginde QHA atynan Qazaqstan Respýblıkasy Parlamenti Májilisiniń depýtaty Ahmed Mýradov ta Qazaqstan halqy Assambleıasy barlyq halyqaralyq ınstıtýttarǵa tartymdy bolyp turǵanyn aıtty. «Álemdegi birlestikter bizdiń tájirıbemizdi tyńǵylyqty zerttep jatqandyǵy anyq. Osy oraıda Qazaqstan halqy Assambleıasynyń jyly aıasynda ózimizdiń tájirıbemizben keńinen bólisetin bolamyz»,-dedi depýtat.
Budan buryn habarlanǵandaı, 2015 jyldyń 7-9 qańtarynda Ýppsala ýnıversıtetinde (Shvetsııa, Ýppsala qalasy) etnosaralyq yntymaqtastyq máselelerine arnalǵan halyqaralyq konferentsııa bolyp ótti. Atalǵan is-sharany Ýppsala ýnıversıteti, Azshylyq máseleleri jónindegi Eýropa ortalyǵy jáne Qazaqstan Respýblıkasy Prezıdentiniń janyndaǵy Memlekettik basqarý akademııasy uıymdastyrǵan bolatyn.