Álem chempıony Jánibek Álimhanulymen jekpe-jek ótkizýge kelisim berdi

ASTANA. QazAqparat – Orta salmaqta WBC «ýaqytsha» álem chempıony Domınıkan Respýblıkasynyń sportshysy Karlos Adames WBO tıtýlynyń ıegeri qazaqstandyq Jánibek Álimhanulymen jekpe-jek ótkizýge kelisim berdi, dep habarlaıdy QazAqparat Sports.kz saıtyna silteme jasap.

Adames jeksenbide brıtandyq Denzel Bentlıdi jeńgennen keıin jarııalaǵan «Qazaq style»-iniń jazbasyna jaýap berdi. «Qalǵan chempıondardyń barlyǵy meniń 12 raýndtan ótkenimdi kórip, estidi. Olar endi menen qashpaıdy dep úmittenemin. Buryn olardyń bári nokaýtqa túsýden qorqatyn. Endi olarda nokaýtsyz-aq jeńilýge bolady degen úmit paıda boldy. Biraq olar úshin men birdeńe daıyndap qoıdym», - dep jazdy Jánibek jelidegi paraqshasynda.

Adames óziniń akkaýntynda osy jazbany retvıttep: «Men daıynmyn» degen pikir qaldyrdy.

Aıta keteıik, Álimhanulynyń ózi Bentlımen ótken jekpe-jekten keıin naqty eshkimniń atyn atamaı, belbeýlerdi «chempıondardyń kez kelgenimen» biriktirýge daıyn ekenin málimdedi. Buǵan deıin habarlanǵandaı, Jánibek Álimhanulyna rıngke shyǵýǵa shekteý qoıyldy.

Endi «Qazaq style» laqap atymen tanymal boksshymyz H.Mýngııa komandasynan jaýap kútip júr.