Álem chempıony tıtýlynan bas tartqan Golovkınge mindetti qarsylas belgilendi

ASTANA. QazAqparat – Dúnıejúzilik boks qaýymdastyǵy (WBA) orta salmaqtaǵy álemniń «sýperchempıony» Gennadıı Golovkınge (42-2-1, 37 KO) mindetti qarsylas belgiledi. Qazaqstandyq boksshy kýbalyq «qarapaıym» chempıon Erıslandı Laramen (29-3-3, 17 KO) judyryqtasyp, belbeýin qorǵaýy tıis, dep habarlaıdy QazAqparat Sports.kz portalyna silteme jasap.

WBA óz resýrstarynda jarııa etkendeı, taraptarǵa kelissóz júrgizý úshin 15 kún beriledi. Merzim 8 aqpanda bastalyp, 23 aqpanda aıaqtalady. Eger boksshylar osy aralyqta kelisip úlgermese, promoýterlik saýda jarııalanady.

«Sport Shredıngera» Telegram-kanaly G.Golovkınniń advokaty Djon Horneverdiń sózin keltiredi.

«Gennadıı sporttaǵy mansabyn aıaqtap jatqan joq. Ol fanattar úshin barlyq múmkindikter arasynan eń jarqyn jekpe-jek tabýǵa tyrysýda. IBF belgilegen mindetti qarsylas Falkaomen kelissóz merzimi kelesi aptanyń sońynda aıaqtalady. Biraq Gennadıı ol ýaqytqa deıin kútpeýdi sheshti. Bul aıqas aqyry iske aspaıtyn bolǵandyqtan Gennadıı tıtýldy bosatyp, qysqa ýaqytta basqasyn uıymdastyrý múmkindigin berýdi sheshti.

Eske sala keteıik, áýelde Golovkın brazılııalyq Eskıva Falkaoǵa qarsy aıqasyp, IBF tıtýlyn qorǵaýy tıis edi, biraq keshe GGG-dyń bul tıtýldan bas tartqany belgili boldy.

Foto: sports.kz