Álem chempıony ataǵyn saqtap qalý qashan da qıyn – Bıbisara Asaýbaeva

ASTANA. QazAqparat – Álem chempıony ataǵyn alǵash ret jeńip alǵanǵa qaraǵanda, ony saqtap qalý qıyn. Ortalyq kommýnıkatsııalar qyzmetindegi brıfıngide byltyr Almaty qalasynda ótken álem chempıonatyna qasty pikir bildirgen shahmatshy Bıbisara Asaýbaeva osylaı málimdedi, dep habarlaıdy QazAqparat tilshisi.

«Bul men úshin jaýapty sát boldy. Sebebi, álem chempıony degen ataqty birinshi ret jeńip alǵanǵa qaraǵanda, ony saqtap qalý qıyn. Maǵan Polshada ótken birinshi álem chempıonatynda jaı ǵana sáttilik serik boldy degen pikirler aıtyldy. Eger men ol joly eki medal jeńip alsam jáne onyń birin aıqyn basymdyqpen ıelensem, maǵan tek sáttilik jetkilikti bolǵany ma?!

Al bul joly álem chempıonaty óz elimde, Almaty qalasynda ótti. Koronavırýs indeti meni de aınalyp ótpedi. Men COVID-pen aýyryp qaldym. Bul meniń alǵashqy oıyndardaǵy nátıjelerime áser etti. Keıin blıtste men ózimdi jaqsy sezine bastadym. Chempıondyq ataqty saqtap qalý qıyn ekeni belgili. Biraq maǵan jaqyndarym sendi. Ózimniń de «altyn» alamyn degen ishki úmitim basym boldy», - dep bólisti shahmattyń blıts túrinen 2 dúrkin álem chempıony Bıbisara Asaýbaeva.

Foto: www.instagram.com/kzchessfederation