Álem chempıonymen jekpe-jek: Jánibek Álimhanulyna usynys tústi

<p>LDUBB Boxing YouTube boks arnasynyń avtory Býg Ýılıams áleýmettik jelide WBO jáne IBF nusqalary boıynsha orta salmaqtaǵy álem chempıony, qazaqstandyq boksshy Jánibek Álimhanulyna (15-0, 10 KO) úndeý jasady. <a href="https://kaz.inform.kz/" target="_blank" rel="noopener">Kazinform</a> agenttigi bul týraly <a href="https://www.sports.kz/news/janibeku-alimhanulyi-predlojili-boy-s-chempionom-mira-i-nazvali-datu" target="_blank" rel="noopener">Sports.kz</a> portalyna silteme jasap habarlaıdy.&nbsp;</p>

Ýılıams Boxingscene.com portalynda Álimhanulynyń WBC nusqasy boıynsha orta salmaqtaǵy «ýaqytsha» belbeý ıegeri, Domınıkan Respýblıkasynyń sportshysy Karlos Adamesti (23-1, 18 KO) synǵa alǵany týraly baıandalǵan jarııalanymǵa jaýap berdi.

«Aqpan aıyndaǵy jekpe-jekke daıyndal», - dep jazdy Ýılıams X áleýmettik jelide.

Ol osy arqyly Álimhanulyna Adamespen 2024 jyldyń qysynda bolatyn jekpe-jekti meńzedi.

Aıta keteıik, Karlos Adames áleýmettik jelide Jánibek Álimhanulyn jekpe-jekke birneshe ret shaqyrdy, alaıda qazaqstandyq sportshy ózi tolyqqandy álem chempıony bolmaǵandyqtan, domınıkandyqpen judyryqtasýǵa qulshynys tanytpaı otyr.