Álem chempıony Nurqoja Qaıpanov: Aldaǵy maqsat - Olımpıada bıigin baǵyndyrý

<p>ASTANA. KAZINFORM - Keshe qazaqstandyq balýan Nurqoja Qaıpanov Albanııa astanasy Tıranada 70 kelige deıingi salmaqta álem chempıony atanǵan bolatyn. <a href="https://kaz.inform.kz/" target="_blank" rel="noopener">Kazinform</a> tilshisi sportshydan aldaǵy arman-maqsaty jóninde surap kórdi.</p>

- Aldaǵy maqsatym - álem jáne Olımpıada chempıony ataný. Munyń, árıne, ońaıǵa túspeıtinin bilemin.

- Olımpıadaǵa qatysý úshin taǵy da salmaq aýystyryp, baq synaısyń ba?

- Ony bapkerlerimmen aqyldasyp kóremin. Ázirge oıǵa kelgeni osy ǵana. Jolda ketip bara jatyr edik. Elge oralǵannan keıin bir toqtamǵa kelermiz.

- Chempıondyq ataǵyń qutty bolsyn! Aldaǵy jarystarda sáttilik tileımiz.

Eske sala keteıik, budan buryn Nurqoja Qaıpanovtyń erkin kúresten álem chempıony atanǵanyn jazǵan bolatynbyz. Buǵan deıin 2019 jyly Astanada ótken álem birinshiliginde kúmis alǵan 70 kelige deıingi salmaqtaǵy qazaqstandyq balýan fınalda japonııalyq Ioshınosýke Aoıagımen synǵa túsip,  5:3 esebimen jeńiske jetti. Osylaısha, N.Qaıpanov Rızabek Aıtmuqannyń ótken jylǵy jetistigin qaıtalady.