Álem chempıonatynda ózge eldiń namysyn qorǵap júrgen qazaq boksshylar

ASTANA. QazAqparat – Ózbektan astanasy Tashkent qalasynda ótip jatqan bokstan álem chempıonatynda ózge eldiń týy astynda judyryqtasyp jatqan ulty qazaq boksshylar bar, dep habarlaıdy QazAqparat tilshisi.

Esterińizde bolsa, keshe qytaı quramasyndaǵy Toqtarbek Tańathan alǵashqy jekpe-jeginde jeńiske jetkenin jazǵan bolatynbyz.

Opennews.kz

Qytaıdyń bokstan ulttyq quramasynda taǵy bir qazaq boksshysy Danabek Baıǵazy esimdi qandasymyz sharshy alańǵa shyqqany belgili boldy.

Ol Tashkenttegi álem birinshiliginde alǵashqy kezdesýin sátti bastap, horvatııalyq boksshy Lýka Pratıachıchti utyp, jarysty jalǵastyrý múmkindigine ıe boldy.

Vıdeodagn alynǵan kadr

Búgin Baıǵazy armenııalyq Davıd Chaloıanmen judyryqtasyp, álemniń kúmis júldegerin jeńdi.

Sondaı-aq, búgin Ózbekstan quramasynyń sapynan qandasymyz Rýslan Abdýllaev sharshy alańǵa shyǵyp, ekinshi aıqasyn da qarsylasyn merziminen buryn utty.

Ol birinshi aıqasynda Pýerto-Rıko sportshysyn da jarys jolynan shyǵarǵan bolatyn.

Olympic.uz

Rýslan Abdýllaev - 2022 jylǵy Azııa chempıonatynyń chempıony. Osy álem birinshiliginde 63,5 keli salmaqtaǵy altynǵa basty úmitkerdiń biri.

Tashkent tórinde taǵy bir qandasymyz Beknur Qalı Mońǵolııa eliniń namysyn qorǵaýǵa kelgen.

Facebook/Aniq Kokenayuli

Ókinishke qaraı, ol jaraqatyna baılanysty alǵashqy jekpe-jegine shyqpaı qaldy.

Sonymen qatar Bahreın týy astynda taǵy bir qandasymyz Azat Mahmetov synǵa túsip jatyr.

Ol ótken jyldan beri 51 keli salmaq sanatynda atalmysh eldiń namysyn qorǵap júr.

Qazaqstan boks federatsııasy