Álem chempıonaty: Valentına Halzova jartylaı fınalǵa shyqty

ASTANA. QazAqparat - Úndistannyń Nıý-Delı qalasynda ótip jatqan bokstan áıelder arasyndaǵy álem chempıonatynyń shırek fınalynda qazaqstandyq Valentına Halzova jeńiske jetti, dep habarlaıdy QazAqparat tilshisi.

El quramasynan Valentına Halzova (75 keli) túrkııalyq Elıf Gıýnerımen qolǵap túıistirdi.

Alǵashqy eki raýndta qarsylastar tartysty jekpe-jek ótkizdi. Sheshýshi úshinshi raýndta qazaqstandyq boksshynyń basymdyǵy baıqalyp turdy. Osylaısha, Valentına Halzova el quramasynan jartylaı fınalǵa berilgen besinshi joldamaǵa ıe boldy.

Ol buǵan deıin 2016, 2022 jyldary álem chempıony atansa, 2017 jyly Azııa chempıonatynda kúmis júlde alǵan.

El quramasynan búgin tórt boksshy jartylaı fınalǵa joldama aldy. Olardyń qatarynda Alýa Balqybekova (48 keli), Karına Ibragımova (57 keli), Farıza Sholtaı (81 keli), Nadejda Rıabets bar.

Al, Mádına Nurshaeva (70 kg) brazılııalyq Barbara dos Santosqa jol berse, keshki sessııada Jaına Shekerbekova (54 keli) kolýmbııalyq Marsela Arıaspege, Rımma Volosenko (60 keli) qytaılyq Venlý ıAnge ese jiberip qoıdy.

Endi Lázzat Kúngeıbaevanyń (81 keliden joǵary) jekpe-jegin kútemiz.