Álem chempıonaty: Nadejda Rıabets tórtinshi joldamaǵa ıe boldy

ASTANA. QazAqparat - Úndistannyń Nıý-Delı qalasynda ótip jatqan bokstan áıelder arasyndaǵy álem chempıonatynyń shırek fınalynda qazaqstandyq Nadejda Rıabets jeńiske jetti, dep habarlaıdy QazAqparat tilshisi.

El quramasynan Nadejda Rıabets (66 keli) Kabo-Verde ókili Ivanýsa Gomes Moreıramen sheberlik baıqasty. Jekpe-jek barysynda birinshi raýnd qazaqstandyq boksshynyń basymdyǵymen aıaqtaldy. Tóreshiler biraýyzdan onyń jeńisine qoldaý bildirdi.

Ekinshi raýndta da Nadejda basymdyǵyn arttyrdy. Bul joly da tóreshiler onyń jeńgenin moıyndady. Nátıjesinde, Nadejda Rıabets tóreshiler sheshimimen jartylaı fınalǵa shyqty.

Buǵan deıingi alǵashqy eki kezdesýinde Nadejda Rıabets ońtústikkoreıalyq Sen Sýdjın men domınıkandyq Marııa Moronta Ernandesti orta jolda qaldyryp ketti.

Ol tórt márte Qazaqstan chempıony atanǵan. Sondaı-aq, jasóspirimder arasynda álem chempıony boldy jáne jasóspirimder arasyndaǵy Olımpıada oıyndarynda qola aldy.

El quramasynan búgin úsh boksshy jartylaı fınalǵa joldama aldy. Olardyń qatarynda Alýa Balqybekova (48 keli), Karına Ibragımova (57 keli), Farıza Sholtaı (81 keli) bar.

Al, Mádına Nurshaeva (70 kg) brazılııalyq Barbara dos Santosqa jol berse, keshki sessııada Jaına Shekerbekova (54 keli) kolýmbııalyq Marsela Arıaspege, Rımma Volosenko (60 keli) qytaılyq Venlý ıAnge ese jiberip qoıdy.

Endi Valentına Halzova (75 keli) jáne Lázzat Kúngeıbaeva (81 keliden joǵary) synǵa túsedi.