Álem chempıonaty: Qazaqstandyq boksshy qyzdardyń qarsylastary anyqtaldy
08:50, 11 Mamyr 2022
YSTANBUL. QazAqparat – Túrkııada ótip jatqan bokstan áıelder arasyndaǵy álem chempıonatynda alǵashqy jekpe-jegin sátti ótkizgen eki qazaqstandyq sportshynyń aldaǵy qarsylastary anyqtaldy, dep habarlaıdy QazAqparat.
Aldymen 9 mamyrda el quramasynan Valentına Halzova (70 keli) kenııalyq Lorna Kýsa Sımbıdi tize búktirdi.
Odan keıin 10 mamyrda Alýa Balqybekova (48 keli) kanadalyq Prııanka Dıllonnan basym tústi.
Endi V.Halzova jarystyń aldaǵy satysynda Ońtústik Koreıadan kelgen Sýdjın Seonmen jekpe-jekke shyǵady.
Al A.Balqybekovanyń endigi qarsylasy – serbııalyq Snejana Sılıkovıch.
Eske salsaq, búgin bokstan álem chempıonatynda 4 qazaqstandyq qyz rıngke shyǵady.
Ystanbuldaǵy álemdik doda 9 mamyrda bastalǵan bolatyn. Fınaldyq saıystar 19-20 mamyr kúnderine belgilengen.