Álem chempıonaty: Búgin erkin kúresten el quramasynan kimder shyǵady?

NUR-SULTAN. QazAqparat - Serbııa astanasy Belgrad qalasynda ótip jatqan kúres túrlerinen álem chempıonatynda búgin, 16 qyrkúıekte erkin kúresten úsh balýan bozkilemge shyǵady, dep habarlaıdy QazAqparat tilshisi.

Búgin jankúıerler elimizdiń quramasynan úsh balýannyń beldesýine kóz tigedi. Olardyń qatarynda Rahat Qaljanov (57 keli), Nurqoja Qaıpanov (74 keli), Ádilet Daýlanbaev (92 keli) bar.

Aıta ketsek, erkin kúresten Azamat Dáýletbekov qola júldege talasady. Álemdik dodada 86 keli salmaqta synǵa túsip jatqan Azamat Dáýletbekov alǵashqy beldesýinde kýbalyq ıÝrıeskı Keraltýdyń osal tusyn tapty. Odan keıin ıspanııalyq Taımýraz Naskıdaevtan basym tústi.

Jartylaı fınalda AQSh sportshysy Davıd Teılorǵa jol berip qoıdy. Endi ol 16 qyrkúıekte 3-oryn úshin saıysqa túsedi.

Sondaı-aq, Syrbaz Talgat (70 keli) pen Oleg Boltın (125 keli) jubanysh beldesýinde saıysqa túsedi. Bul báseke jartylaı fınalǵa shyǵýǵa múmkindik beredi. Jartylaı fınalda jeńgen jaǵdaıda júldegerler qataryna qosylady.

Eske salsaq, áıelder kúresinen Jámıla Baqbergenova kúmis júlde aldy.

Sondaı-aq, budan buryn grek-rım kúresinen Aıdos Sultanǵalı qola júldeger atandy.