Álem chempıonaty: Shaıbaly hokkeıden Qazaqstan jastar quramasy Danııamen oınaıdy

<p>Shaıbaly hokkeıden 20 jasqa deıingi Qazaqstan jastar quramasy álem chempıonatyndaǵy ekinshi oıynyn Danııaǵa qarsy ótkizedi, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Qazaqstan quramasy elıtalyq dıvızıonǵa jalǵyz joldamany 10-16 jeltoqsan aralyǵynda IA dıvızıonynda Frantsııa, Danııa, Japonııa, Vengrııa jáne Aýstrııa quramalarymen sarapqa salady.

Kezdesý elorda ýaqytymen 21:00-de bastalyp, Insport telearnasynan tikeleı efırde kórsetiledi.

Qazaqstandyq hokkeıshiler álem chempıonaty birinshi dıvızıonynda alty márte oınady. Tórteýinde jeńimpaz atanyp, elıtalyq dıvızıonǵa joldama alǵan edi.

Qazaqstan jastarynyń nátıjesi:

1-oryn (1997, Kıev, Ýkraına)

1-oryn (2007, Torre-Pellıche, Italııa)

1-oryn (2015, Dýnaıvarosh, Vengrııa)

1-oryn (2018, Kýrshevel, Frantsııa)

4-oryn (2022 jyl, Hersholme, Danııa)

2-oryn (2023 jyl, Galıfaks, Monktone, Kanada)

Qazaqstan jastar quramasy elıtalyq dıvızıonda segiz márte baq synady. Joǵary jetistigi – 1999 jyly altynshy oryn.

Eske salsaq, budan buryn qazaqstandyq jastar joldastyq kezdesýde Vengrııa jáne Frantsııa quramalarynan basym tústi.