Álem chempıonaty: Ózbekstan fýtzal quramasy pleı-off satysyna shyǵa almady

<p>ASTANA. KAZINFORM — Fýtzaldan álem chempıonatynyń úshinshi týrynda Ózbekstan quramasy Kosta-Rıkadan jeńilip, pleı-off satysynan tys qaldy.</p>

A tobynda synǵa túsken Ózbekstan men Kosta-Rıka quramalary alǵashqy eki týrda nebári bir upaı jınaǵan edi.

Sondyqtan keminde úshinshi orynmen pleı-off satysyna shyǵý úshin ekeýiniń biri jeńiske jetken jaǵdaıda jarysty jalǵastyrýǵa múmkindik alatyn

Oıyn barysynda birinshi kezeńnen keıin ózbekstandyq fýtzalshylar qarsylasyna 1:2 esebimen jeńilip jatty. 

Ekinshi kezeńde namysqa tyrysqan qatarynan eki gol soǵyp ketti. Degenmen odan keıin óz qaqpasyna taǵy úsh gol jiberip aldy. 

Osylaısha Ózbekstan quramasy qarsylasyna 3:5 esebimen jeńilip, jarys jolynan shyǵyp qaldy. 

Al Kosta-Rıka 4 upaımen úshinshi orynǵa turaqtap, ázirge pleı-off satysyna shyǵý múmkindigin saqtap otyr. 

Sondaı-aq atalǵan topta Nıderland quramasy Paragvaıdy 5:2 esebimen tize búktirip, óz tobynda ekinshi oryn aldy. 

Al V tobynda bes dúrkin álem chempıony atanǵan Brazılııa upaıdan shashaý shyǵarǵan joq. Olar sońǵy týrda Taılandty 9:1 esebimen tize búktirdi.

Osylaısha úsh oıynda olar qarsylastar qaqpasyna 27 gol soǵyp, bas júldeden úmitti ekenin taǵy bir márte dáleldedi.

Bul toptaǵy Horvatııa quramasy Kýbany 7:0 esebimen jeńip, alǵashqy jeńisine qol jetkizdi.

Eske salsaq, álem chempıonatynda Qazaqstan quramasy alǵashqy eki týrda Ispanııamen 1:1 esebimen teń oınap, Lıvııadan 3:1 esebimen basym tústi. 

Endi olar 21 qyrkúıekte Jańa Zelandııamen sheberlik baıqasady.