Álem chempıonaty: Nurqoja Qaıpanov bas júldege, Dáýlet Ergesh qolaǵa talasady

<p>ASTANA. KAZINFORM - Albanııa astanasy Tırana qalasynda ótip jatqan álem chempıonatynda erkin kúresten Nurqoja Qaıpanov (70 keli) fınalǵa joldama aldy.&nbsp;</p>

Qazaqstandyq sportshy jartylaı fınalda tájikstandyq Abdýlmajıd Kýdıevti 12:2 esebimen qapy qaldyrdy. Osylaısha Nurqoja óziniń sport jolynda ekinshi márte álem chempıonatynyń fınalyna shyǵyp otyr. Ol buǵan deıin 2019 jyly elordada bolǵan básekede kúmis júldege qol jetkizgen edi.

Іrikteý satysynda Dáýlet Nıkolaı Grahmezdi (Moldova), Akakı Kemertelıdzeni (Grýzııa) aıqyn basymdyqpen jeńdi. Onyń endigi qarsylasy Japonııa nemese beıtarap atlet jubynyń kezdesýinde anyqtalady. 

Al el quramasynan Dáýlet Ergesh (79 keli) álem chempıonatynnyń qola medali úshin beldesedi. Ol shırek fınalda ese jibergen grýzııalyq Avtandıl Kenchadze sanaýly sət buryn fınalǵa joldama alǵan bolatyn. Sondyqtan Dáýlet jubanysh beldesýinde baq synaýǵa múmkindik aldy.

Jubanysh kezeńi erteń ótedi. Al fınaldyq kezdesý 31 qazanda Astana ýaqytymen saǵat 22:00-de bastalady.