Álem chempıonaty: qazaqstandyq jas hokkeıshiler Germanııamen kezdesedi

<p>ASTANA. KAZINFORM - Shaıbaly hokkeıden Qazaqstan 20 jasqa deıingi jastar quramasy álem chempıonaty joǵary dıvızıondaǵy ornyn saqtap qalý úshin Germanııamen oıyn ótkizedi.</p>

Qazaqstandyq hokkeıshiler B tobynda oıyn kórsetti.

Toptyq kezeńde olar Shvetsııadan 0:8, Chehııadan 2:14, Shveıtsarııadan 4:5, Slovakııadan 1:3 esebimen jeńilip, pleı-off satysyna shyǵa almaı qaldy.

Nebári bir upaıdy mise tutqan qazaqstandyq jastar óz tobynda besinshi orynǵa taban tiredi. Germanııa da osyndaı upaımen A tobynyń kósh sońynda qalyp qoıdy.

Bul match 2 qańtarǵa josparlanǵan. Jeńgen qurama 2026 jylǵy álem chempıonatynda joǵary dıvızıonda oınaý múmkindigine qol jetkizedi.

Al pleı-off satysynda AQSh pen Shveıtsarııa, Chehııa men Kanada, Shvetsııa men Latvııa, Fınlıandııa men Slovakııa kezdesedi.

Qazaqstan quramasynyń oıynshylar tizimi tómendegishe:

Qaqpashylar: Djohar Dýdarkıev, Vladımır Nıkıtın (ekeýi – «Snejnye barsy», MHL), Danıl Lytkın («Barys U18»)

Qorǵaýshylar: Roman Bolshedvorskıı, Aslan Júsipbekov, Sanjar Ibragım, Gleb Reshetko, Danıal Shaqshaqbaev, Mstıslav Shıpılın (barlyǵy – «Snejnye barsy», MHL), Danıla Belıakov («Torpedo», Óskemen), Beıbarys Orazov («Barys», KHL)

Shabýylshylar: Abzal Álibek («Fıladelfııa Rebels», NAHL), Ádil Beısembaev, Artýr Gross, Kırıll Kankın, Vladımır Korchagın, Kırıll Lıapýnov, Aleksandr Mıgýnov, Asanáli Rýslanuly, Nıkıta Sıtnıkov (barlyǵy – «Snejnye barsy», MHL), Aleksandr Kım («Bısmark Bobkets», NAHL), Davlat Nurkenov («Essıat U20», U20 SM-sarja), NAHL), Egor Levkovets (MHK «Barys»), Asanalı Sarkenov (Spokan Chıfs, WHL), Semen Sımonov («Barys»).

Osyǵan deıin Ulttyq olımpıada komıteti Qysqy Azııa oıyndaryn uıymdastyrýshylarmen atalǵan baıraqty básekege Qazaqstannyń sport delegatsııasynyń qatysýyn uıymdastyrý máseleleri boıynsha qarqyndy jumys júrgizilip jatqanyn azdyq. Elimizdiń sportshylary 9-Qysqy Azııa oıyndary baǵdarlamasyna kirgen sporttyń 11 túriniń 10-yna qatysýdy josparlap otyr.