Álem chempıonaty: Qazaqstan gandbol quramasynyń qarsylastary anyqtaldy

<p>Búgin gandboldan áıelder arasyndaǵy álem chempıonatynda Qazaqstan quramasynyń 25-32 oryndar úshin saıystaǵy qarsylastary anyqtaldy, dep habarlaıdy Kazınform.</p>

Endi árbir topta tórtinshi oryndy mise tutqan quramalar Prezıdent kýbogynda eki topqa bólinedi.
Qazaqstandyq gandbolshylar G tobynda synǵa túsip, Ispanııadan 17:34, Brazılııadan 16:46, Ýkraınadan 24:37 esebimen jeńilip qaldy.

Endi el quramasy ekinshi topta Chılı, Iran, Kongo Respýblıkasy quramalarymen kezdesedi.
Búgin, 6 jeltoqsanda Kongo Respýblıkasymen oınasa, 9 jeltoqsanda Chılı. 11 jeltoqsanda Iranmen sheberlik baıqasady.

Álem chempıonaty 17 jeltoqsanda máresine jetedi.

Qazaqstandyq gandbolshylar álem chempıonatyna jetinshi márte qatysyp otyr. Ázirge eń joǵary kórsetkishi – 2007 jylǵy 18-oryn.

Aıta ketsek, álem chempıonaty 1957 jyldan beri turaqty túrde ótkizilip keledi. Qazirge deıin barlyǵy 14 qurama jeńimpaz tuǵyryna kóterildi. Olardyń qatarynda Norvegııa men Reseı 4, KSRO, GDR 3, Frantsııa 2, Vengrııa, ıÝgoslavııa, Danııa, Rýmynııa, Nıderland, Chehoslovakııa, Germanııa, Ońtústik Koreıa, Brazılııa 1 márte altyn medalge ıe boldy.