Álem chempıonaty: Qazaqstan fýtzal quramasy óz tobynda ekinshi oryn aldy

<p>ASTANA. KAZINFORM &mdash; Búgin, 21 qyrkúıekte fýtzaldan álem chempıonaty úshinshi týrynda Qazaqstan quramasy Jańa Zelandııamen kezdesti.</p>

Alǵashqy eki týrdyń nátıjesi boıynsha D tobynda Qazaqstan men Ispanııa quramalary tórt upaı jınady. 

Qazaqstandyq fýtzalshylar alǵashqy týrda Ispanııamen 1:1 esebimen teń oınasa, odan keıin Lıvııany 4:1 esebimen tize búktirdi.

Sondyqtan eki qurama úshinshi týrda óz qarsylastaryn iri eseppen jeńý qajet edi.

El quramasy Jańa Zelandııamen oıynda qarsylas qaqpasyna gol soqty. Olardyń qatarynan Rınat Tóreǵazın 8, Aqjol Dáribaı 11, Arnold Knaýb 14, 15, 20, 22, 36, Leo Jaragýa 21, 29-mınýtta gol soqsa, 30-mınýtta Jańa Zelandııa sapynan Logan Vısnevskı avtogol avtory atandy.

Osylaısha Qazaqstan quramasy qarsylasynan 10:0 esebimen basym túsip, óz tobynda ekinshi oryn aldy. Birinshi orynǵa búgin Lıvııany 8:0 esebimen jeńgen Ispanııa jaıǵasty.

Endi Qazaqstan quramasynyń pleı-off satysyndaǵy qarsylasy E tobynda erteń ótetin Portýgalııa jáne Marokko kezdesýiniń jeńimpazy bolady.

Atalǵan synda el namysyn Narýn Serikov, Leonardo Igıta, Arnold Knaýb, Rınat Tóreǵazın, Aqjol Dáribaı, Ábdirasýl Ábdimanapuly, Azat Valıýllın, Leo, Albert Aqbalyqov, Shyńǵys Esenamanov, Birjan Orazov, Dáýren Tursaǵulov, Jahangır Rashıt jáne Dýglas Jýnıor syndy sportshylar qorǵap jatyr.