Álem chempıonaty: Gandboldan Qazaqstan áıelder quramasy qaı oryndy aldy

<p>Búgin gandboldan áıelder arasyndaǵy álem chempıonatynda Qazaqstan quramasynyń qaı oryn alǵany belgili boldy, dep habarlaıdy <a href="https://kaz.inform.kz/" target="_blank" rel="noopener">Kazınform.</a></p>

Qazaqstandyq gandbolshy qyzdar jarystyń alǵashqy satysynda G tobynda synǵa túsip, Ispanııadan 17:34, Brazılııadan 16:46, Ýkraınadan 24:37 esebimen jeńilip qaldy.

Odan keıin árbir topta tórtinshi oryndy mise tutqan quramalar Prezıdent kýbogynda eki topqa bólindi. Ekinshi topta baq synaǵan qazaqstandyq gandbolshylar alǵashqy eki oıynda Kongo Respýblıkasyna 36:37, Chılıge 23:27 esebimen ese jiberse, Irandy 33:29 esebimen súrindirdi.

Nátıjesinde qazaqstandyq gandbolshylar 29-oryn úshin saıysta Paragvaıǵa 30:36 esebimen jeńilip qaldy.

Álem chempıonaty 17 jeltoqsanda máresine jetedi.

Qazaqstandyq gandbolshylar álem chempıonatyna jetinshi márte qatysyp otyr. Ázirge eń joǵary kórsetkishi – 2007 jylǵy 18-oryn.