Álem chempıonaty: Fýtzaldan Qazaqstan quramasy Rýmynııany jeńdi

<p>Fýtzaldan Qazaqstan quramasy búgin, 20 jeltoqsanda álem chempıonaty elıtalyq irikteý satysynda sońǵy oıynyn Rýmynııaǵa qarsy ótkizdi, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

El quramasy A tobynda synǵa tústi. Qarsylastary – Rýmynııa, Ázerbaıjan jáne Nıderland.

Altynshy týrda qazaqstandyq fýtzal sheberleri Rýmynııany 2:0 esebimen tize búktirdi.

El quramasynan Shyńǵys Esenamanov 8, Birjan Orazov 26-mınýtta mergendik tanytty.

El quramasy buǵan deıin Rýmynııany 4:3, eki márte Nıderlandty 2:0, 2:0, Ázerbaıjandy 4:2, 3:2 esebimen tize búktirdi.

Alty týrdan keıin 18 upaı jınaǵan Qazaqstan quramasy týrnır kestesinde birinshi oryn aldy. Olar bir týr buryn álem chempıonaty fınaldyq satysyna joldamaǵa qol jetkizgen edi.

Aıta ketsek, el quramasy álem chempıonatynyń fınaldyq satysynda 2000, 2016, 2021 jyldarda synǵa tústi. Olar 2021 jyly 4-orynǵa taban tiredi.