Álem chempıonaty: Erkin kúresten jastar arasynda Asyljan Esengeldi kúmis aldy

<p>Asyljan Esengeldi Albanııa astanasy Tırana qalasynda ótip jatqan 23 jasqa deıingi jastar arasynda erkin kúresten álem chempıonatynyń kúmis júldegeri atandy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Dúbirli dodada 61 keli salmaqta synǵa túsken qazaqstandyq balýan fınalda reseılik Bashır Magomedovke 0:4 esebimen ese jiberdi.

Ol fınalǵa deıin japonııalyq Kaıto Morıtany, úndistandyq Akash Dahııany, qyrǵyz balýany Taıyrbek Jýmashbek ýýlýdy qapy qaldyrdy.

Elimizdiń atynan erkin kúresten qurama sapynda Erasyl Muhtaruly (57 keli), Asyljan Esengeldi (61 keli), Adlan Asqarov (65 keli), Rodıon Anchýgın (70 keli), Erbarys Satybaldy (74 keli), Shamsat Taır (79 keli), Nurdáýlet Qýanyshbaı (86 keli), Nurdáýlet Bekenov (92 keli), ıÝnýs Gafýrov (97 keli) jáne Omarhan Nadırov (125 keli) bar.

Álem chempıonatynda erkin kúres sheberlerinen bólek, áıelder kúresi jáne grek-rım kúresinen júldeler sarapqa salynady.

Álem chempıonaty 29 qazanda máresine jetedi.