Álem boıynsha Google, YouTube jáne Gmail-dyń qyzmetinde aqaý boldy
20:48, 14 Jeltoqsan 2020
SAN-FRANTsISKO. QAZAQPARAT – Google kompanııasynyń birneshe servısinde aqaý paıda boldy, dep habarlaıdy QazAqparat CNBC saıtyna silteme jasap.
Bul tanymal ınternet-resýrstarynda aqaýlar men isten shyǵýdy zertteıtin Downdetector saıtynyń málimetinde kórsetilgen.
Kóbine amerıkalyq qoldanýshylar shaǵymdanǵan, olar saıtqa, jeke akkaýntyna kirý kezinde qıyndyqtar bolǵanyn jazǵan.
Sondaı-aq Aýstralııa, Japonııa, Reseı, Ýkraına jáne Ulybrıtanııada osy qıyndyqtar baıqalǵan.