Álem boıynsha COVID-19 vırýsyn juqtyrǵandar sany tórt esege azaıdy

NUR-SULTAN.QazAqparat - Ótken aptamen salystyrǵanda álem boıynsha COVID-19 aýrýynyń sany tórt ese azaıdy, dep habarlaıdy QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram kanalyna silteme jasap.

15 - 21 mamyr aralyǵynda 5,7 mıllıonnan astam adamnan ınfektsııa anyqtalsa, 22 – 28 kúni aralyǵynda bul meje shamamen 1,4 mıllıonǵa jetken. Sondaı-aq, COVID-19-dan kóz jumǵan adamdardyń sany kúrt tómendedi. Sońǵy aptada 10,5 myń adam ınfektsııanyń qurbany boldy, bul ótken aptamen salystyrǵanda eki ese az.

Amerıka Qurama Shtattary úshinshi aptada álemde COVID-19 aýrýy boıynsha birinshi orynda tur. Sońǵy jeti kúnde elde 600 myńǵa jýyq jańa jaǵdaı anyqtaldy (ótken aptamen salystyrǵanda + 30 myń jaǵdaı).

Reseıde táýligine 4 188 koronavırýsty juqtyrý jaǵdaıy anyqtaldy. Bul ótken kúnmen (4 556 jaǵdaı) salystyrǵanda 8.79%-ǵa tómen. Táýligine 1 001 naýqas emdelip jatyr, bul aldyńǵy kórsetkishpen (2 106 jaǵdaı) salystyrǵanda 52,5%-ǵa tómen. Sonymen qatar, bir kúnde 4 411 adam saýyǵyp, ótken kúnmen (5 844 jaǵdaı) salystyrǵanda, kórsetkishtiń áldeqaıda tómendegeni baıqalady, ıaǵnı 24,5%-ǵa, dep habarlady COVID-19-ǵa qarsy federaldy jedel shtaby.

Táýligine koronavırýstan kóz jumǵan adamdardyń sany - 85, bul aldyńǵy kórsetkishpen (86 jaǵdaı) salystyrǵanda bir adamǵa az. Qaıtys bolǵandardyń jalpy sany 378 955 jetti. Koronavırýstan eń kóp qaıtys bolǵandar sany Sankt-Peterbýrg (12 jaǵdaı) pen Máskeý qalalarynda (11 jaǵdaı) tirkeldi.