«Álem barysynda» taǵy bir qazaqstandyq ırandyqtan basym tústi

ASTANA. QazAqparat - «Álem barysynda» elimizdiń namysyn qorǵap jatqan bes balýannyń biri Erjan Shynkeev Irannan kelgen Mozamı Far Vahıtten basym tústi, dep habarlaıdy «QazAqparat» HAA tilshisi.

Irandyq balýan men jerlesimizdiń beldesýi kópke sozylǵan joq. Qazaq kúresimen birge dzıýdony erkin meńgergen Erjan áý bastan-aq boz kilemniń ıesi kim ekenin tanyta bildi. Tartysty beldesý 1:09 mınýtynda sońyna jetti. Amaldap ákki ádiske salyp jibergen Erjan ırandyqty alyp uryp, taza jeńiske jetti.

Eske sala ketsek, Astana qalasyndaǵy «Barys Arenada» búgin «Álem barysy» dodasy ótip jatyr. Osyǵan deıin alǵashqy kezdesýin ótkizgen 2017 jylǵy «Qazaqstan barysy» Elaman Erǵalıev kamerýndyq qarsylasyn jeńgen bolatyn. Sonymen birge, Mońǵolııadan kelgen Serik Berdimurat kýbalyq qarsylasyn utsa, Qytaıdan kelgen Esbol Jaqıtan gretsııalyq balýannan utylyp qaldy.