Álem barysy: Qazaq balýany ózinen 60 keli artyq ırandyqtan aılasyn asyrdy

ASTANA. QazAqparat - Almatyda ótip jatqan «Álem barysy» chempıonatynda balýandar 1/8 fınalynda kezdesýde, dep habarlaıdy QazAqparat tilshisi.

1/8 fınaldyq kezeńde birinshi bolyp boz kilemge shyqqan Reseı jáne Ázerbaıjan balýandarynyń teketiresinde reseılik Roman Bobıkov qarsylasyn sanaýly sekýndtyń ishinde alyp urdy. Sonymen birge polıak balýany Petr Talach ganalyq Ýelbek Arıany utty. Budan keıin beldesýge shyqqan úshinshi jup - Latvııa balýany Igors Kostıns pen tájik balýany Dadahan Kýrbonalıevtyń kúresi sońǵysynyń jeńisimen aıaqtaldy.

Kópshilik kútken kezdesýlerdiń biri ırandyq Jafar Pahlevanıjaghargh pen qazaq balýany Ersultan Muzafarovtyń kúresi edi. Aıta keterligi, dál osy Jafar alǵashqy kezeńde taǵy bir qazaq balýany Rýslan Ábdirazaqovty jeńip, úıine qaıtarǵan bolatyn. Ózinen shamamen 60 keli artyq ırandyqtan taısalmaǵan Ersultan boz kilemde baryn salyp, jeńisti julyp aldy.

Buǵan deıin habarlaǵanymyzdaı, óziniń alǵashqy beldesýin ótkizgen Aıbek Nuǵymarov kamerýndyq Dıdon Dolassemdi jeńip, kelesi aınalymǵa ótti. Al Nurdáýlet Jarylǵapov Rýslan Ábdirazaqovpen birge jarys jolynan shyǵyp qaldy. 

Eske sala keteıik, osy ýaqytta Almatydaǵy Balýan Sholaq atyndaǵy sport saraıynda «Álem barysy» absolıýttik álem chempıonaty ótip jatyr.

Foto:beldesu.kz