«Álem barysy-2018»: Eń aýyr salmaqtaǵy balýan anyqtaldy

  ASTANA. QazAqparat - Búgin Almatyda qazaq kúresinen «Álem Barysy» absolıýttik álem chempıonaty qatysýshylarynyń salmaq ólsheý rásimi ótti, dep habarlaıdy QazAqparat tilshisi.

QR Qazaq kúresi federatsııasynyń baspasóz qyzmeti málim etkendeı barlyq 33 balýannyń salmaǵy jarys erejesine saı 90 keliden asty. Nátıjesinde jańazelandııalyq balýan Chıko Reremoana Pembertonnyń tarazydaǵy taza salmaǵy  161 kelini kórsetip, atalǵan týrnırdegi eń aýyr balýan atandy. Al Qazaqstan namysyn qorǵaıtyn bes balýannyń arasynan Nurdáýlet Jarylǵapov eń aýyr salmaqtaǵy balýandardyń úzdik tqrttiginen kórindi. Onyń salmaǵy -   142 keli.

Eń aýyr salmaqtaǵy úzdik 10 balýan:

1. Chıko Reremoana Pemberton (Jańa Zelandııa) - 161 kg

2. Jafar Pahlevanıjaghargh (Iran) - 156 kg

3. Tanel Karro (Estonııa) - 143 kg

4. Nurdáýlet Jarylǵapov (Qazaqstan) - 142 kg

5. Aıbek Nuǵymarov (Qazaqstan) - 142 kg

6. Lýkash Havachek (Chehııa) - 140 kg

7. Igor Kostıns (Latvııa) - 127 kg

8. Tomash-Petr Talach (Polsha) - 126 kg

9. Rýslan Ábdirazaqov (Qazaqstan) - 125 kg

10.  Roman Bobıkov (Reseı) - 123 kg

Aıta keteıik, qazaq kúresiniń erejesine sáıkes beldesýdiń negizgi ýaqytynda upaı sany teń tússe, qoıanqoltyq beldesý bolady, onda da jeńimpaz anyqtalmaǵan jaǵdaıda, balýandardyń salmaǵy ólshenip, jeńis jeńil salmaqty balýanǵa beriledi. 

Qazaq kúresinen «Álem Barysy» túıe balýandar arasyndaǵy álem chempıonaty 2 jeltoqsan kúni Almatydaǵy Balýan Sholaq atyndaǵy sport saraıynda ótedi.