Álem balalar ádebıetinen qandaı sheteldik qalamgerlerdiń shyǵarmalary qazaq tilinde jaryq kórdi
Bul týraly Májilis depýtattarynyń saýalyna QR Premer-Mınıstriniń orynbasary Eraly Toǵjanovtyń jaýabynda aıtylǵan, dep habarlaıdy QazAqparat tilshisi.
«Búgingi kúni «Rýhanı jańǵyrý» baǵdarlamasy aıasynda álem ádebıeti avtorlarynyń aýdarmalary jaryq kórýde. 2021 jyly álem balalar ádebıetiniń Danıel Defo «Robınzon Krýzo» (aýdarǵan Keńes Dúısen), Djonatan Svıft «Gýllıverdiń saıahattary» (aýdarǵan Jamalhan Asyqova), Stıvenson Robert Lıýıs «Qazyna araly» (aýdarǵan Qadyr Dáýitov) sııaqty avtorlardyń aýdarmalary basylyp shyǵyp, respýblıka kitaphanalaryna taratyldy», - dep atap ótedi Eraly Toǵjanov jaýabynda.
Onyń atap ótýinshe, «Rýhanı jańǵyrý» baǵdarlamasyn iske asyrýdyń 2021 jylǵa arnalǵan jol kartasy aıasynda «Jahandaǵy zamanaýı qazaqstandyq mádenıet» jobasy iske asyryldy. Álemniń 53 elinde 280 is-shara, onyń ishinde túrli kezdesýler, múshaıralar, forýmdar men kezdesýler ótkizildi.
«Barlyq is-sharalarǵa otandyq ádebıetshiler men qalamgerler qatysyp, sheteldik ádebıet ókilderimen pikir almasyp, oqyrmandy óz shyǵarmashylyǵymen tanystyrýǵa múmkindik aldy. Aldaǵy ýaqytta da ádebıetshiler men qalamgerlerdi túrli ádebı festıval, forýmdarǵa qatystyrý jáne olardyń sheteldik qalamgerlermen tájirıbe almasýyn uıymdastyrý jalǵasady», - dedi vıtse-premer.