Alekseı Tsoı vaktsına óndirýdi nege Qaraǵandydaǵy zaýytqa tapsyrylǵanyn túsindirdi
«Áleýmettik jelide bul máseleni qozdatatyndar kóp. Kez kelgen isten, barlyq jerde qandaı da bir astar, sebep izdep júredi. Men sizge naqty aıtaıyn. Tańdaý nege Qaraǵandydaǵy farmatsevtıkalyq zaýytqa tústi? Óıtkeni Qazaqstanda bıologııalyq preparat shyǵaratyn jalǵyz zaýyt sol. Qazaqstanda túrli zaýyttar bar. Biraq olar tabletkalar, hımııalyq zattar shyǵarady. Al tiri bıologııalyq preparat shyǵaratyn zaýyt bizde bireý ǵana. Ol naryqta 5 jyldan beri jumys istep keledi. Biz olardan osy iske atsalysýdy ózimiz suraǵanbyz. Tipti májbúrlegendeı boldyq», -* deid Aleseı Tsoı.
Mınıstrdiń málimetinshe, oǵan deıin Qaraǵandydaǵy farmatsevtıkalyq zaýyt onkologııaǵa qajet bıologııalyq preparat shyǵaryp turǵan.
«Bizdiń qazir Gamaleıa ınstıtýtynyń sýbstantsııasy negizinde vaktsına jasap otyrǵanymyz sáttilik deýge bolady. Qazir álem naryǵynda vaktsına erkin saýdada joq. Sondyqtan bul jerde eshqandaı konspırologııalyq ymyralasý joq. Óıtkeni bıologııalyq perparat shyǵaratyn jalǵyz zaýyt osy. Eger birneshe osyndaı zaýyt bolǵanda basqa alańdy tańdaýymyz da múmkin edi», - dedi vedomstvo basshysy.