Alekseı Tsoı Úndistandaǵy koronavırýs shtamynan qorǵalý qadamdary týraly aıtty

NUR-SULTAN. QazAqparat – Senattyń jalpy otyrysynda Densaýlyq saqtaý mınıstri Alekseı Tsoı koronavırýstyń Úndistanda taralǵan shtamynan qorǵaný is-sharalary týraly aıtty, dep habarlaıdy QazAqparat tilshisi.

«Úndistanda taralǵan shtamǵa toqtalsaq, bul elmen arada qazir tikeleı áýe reısteri joq. Sonymen qatar bas sanıtar dárigerdiń tıisti qaýlysy bar, ıaǵnı Úndistannan saparlap kelgender oqshaýlanýy kerek jáne 14 táýlik boıy medıtsınalyq baqylaýda bolýy tıis», - dedi mınıstr.

Onyń aıtýynsha, PTsR-test teris nátıje kórsetse de osyndaı qaýipsiz sharalary eskeriledi.

«Sonymen qatar, koronavırýstyń barlyq shtamdary PTR-test kezinde anyqtalady. Munymen qosa, aı saıyn el aýmaǵynda tıisti ólshemderdi júrgizip kelemiz. Qazirgi kezde Qazaqstanda úndistandyq shtamm anyqtalmaǵan, degenmen biz tıisti ólshemderdi júrgizýdi jalǵastyramyz», - dedi A. Tsoı.