Alekseı Tsoı: QazVac - sapaly vaktsına

NUR-SULTAN. QazAqparat - QR Densaýlyq saqtaý mınıstri Alekseı Tsoı otandyq QazVac vaktsınasyna qatysty pikir bildirdi, dep habarlaıdy QazAqparat tilshisi.

«Jalpy, qazaqstandyq vaktsınany ázirleý – bul Qazaqstannyń úlken jetistigi. Osyǵan oraı qysqa ǵana ýaqyttyń ishinde vaktsınany ázirlegen áriptesterimizge taǵy da bir márte rızashylyǵymyzdy bildirgim keledi jáne ol búginde qazaqstandyqtar úshin qoljetimdi bolyp otyr. Ózderińizde bilesizder, vaktsınanyń tájirıbelik toptamasy shaǵyn kólemde Gvardeıskıı eldi mekeninde ornalasqan QR Bilim jáne ǵylym mınıstrliginine qarasty Bıologııalyq qaýipsizdik máseleleri jónindegi ǵylymı-zertteý ınstıtýtynyń alańynda shyǵarylyp jatyr», - dedi Alekseı Tsoı Ortalyq kommýnıkatsııalar alańynda ótken baspasóz máslıhaty barysynda.

Sonymen qatar ol otandyq vaktsınany alǵandyǵyn basa aıtty.

«Túptep kelgende vaktsınanyń sapaly ekendigin jáne qandaı da bir janama áseriniń joqtyǵyn kórip otyrmyz»,- dedi Densaýlyq saqtaý mınıstri.