Alekseı Tsoı Pfizer vaktsınasynyń baǵasyna qatysty jaǵdaıdy túsindirdi

NUR-SULTAN. QazAqparat – Pfizer vaktsınasynyń baǵasy jetkizý qunyna baılanysty bolady. Bul týraly QR Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.

«Qazirgi kezde bul máselege qatysty naqty túsinik joq. Tıisti esepteýler jasalǵannan keıin, sondaı-aq naqty partııa elge jetkizilgennen soń jáne naqty soma bar ekenin kórsek, sol kezde aıta alamyz», - dedi A. Tsoı Parlament Májilisinde tilshiler saýalyna jaýap bere otyryp.

Osy oraıda ol ázirge atalǵan vaktsınanyń quny aıqyndalmaǵynyn jetkizdi.

«Vaktsına qunyn belgileý kezinde ekpeni jetkizý qunyn nazarǵa alamyz. Aldaǵy 1-2 aıda jetkiziledi», - dedi mınıstr.

Budan buryn habarlanǵandaı, vedomstvo basshysy Pfizer kompanııasymen aqyly vaktsınatsııa múmkindigi týraly kelisilip jatqanyn aıtty.

Bul vaktsınany qansha azamat alǵysy keletinin anyqtap alý mańyzdy.